加拿大巨星 The Weeknd 近日首度來港開辦演唱會，於舞台上播放；融入大量標誌性嘅香港印象片段，再加入王菲經典名曲《季候風》嗁影片，早已成為近日話題，而令唔少朋友回想香港過去嘅美好回憶。
早前已經設宴招待 The Weeknd 嘅影帝 梁朝偉 同太太 劉嘉玲 亦親身入場欣賞演出，嘉玲睇完騷更於社交平台公開睇騷情況，當現場響起好友王菲嘅《季候風》時，嘉玲姐即刻興奮跟住合唱，而更驚喜嘅係，一向被外界封為「社恐代表」、性格內向又平靜嘅偉仔，亦被現場熱烈氣氛感染。
片中所見，偉仔全程睇到笑逐顏開，心情勁靚，仲跟住音樂節拍輕輕搖擺，展現出極之罕見嘅活潑模樣，成為另一焦點
嘉玲亦喺社交平台大方晒出，當晚同唔少朋友同場嘅睇騷靚相，除同The Weeknd嘅合照之外，仲見到現已貴為內地電商巨頭時尚拓展顧問嘅「奶茶妹妹」章澤天。眾人同框合照氣場十足，迅速喺網上引發熱烈討論，亦為今次國際級音樂盛事再添話題。
