王梓軒 作客 薛家燕 主持嘅電台節目，分享佢監製、執導、主演兼編劇同作曲嘅電影，有份參演嘅家燕姐話好開心見到今次部作品越嚟越多人欣賞，笑言自己已經好耐冇演歌舞劇，都想一展潛能，好多謝梓軒嘅努力，寫咗好多歌去配合，整個團隊拍攝得好開心。
梓軒仲誠意邀請曾志偉參演，家燕姐話志偉今次真係好幫手，施展影帝演技，雖然佢戲份唔多，但演得好好，電影參展志偉一定攞獎，第二個就係梓軒，佢喺戲中載歌載舞好精彩，更預告有場好感動嘅戲睇見都流淚。
家燕姐早前同梓軒出席釜山電影節，喺一個分享講座上面，突然發生咗一件事嚇到家燕姐同梓軒目定口呆，正當大家好嚴肅正經之際，有位現場總監因為認得家燕姐係經典電影《食神》中嘅味公主，非常祟拜，突然喺家燕姐面前下跪，家燕姐話好多韓國人睇咗呢電影，所以認得佢。
