冼靖峰 即將舉辦首個香港個人演唱會，心情興奮嘅佢呢日喺記者會宣傳時獲大批fans支持，Archie更貼心同佢哋互動玩遊戲，當然唔少得獻唱環節啦。
Archie出道四年，好開心有機會開個人騷，特別多謝粉絲對佢支持，知道好多海外粉絲為咗佢喺外地返港好感動，承諾會傾盡全力演出，屆時除咗自己歌曲亦會有部份翻唱歌，仲會有未曾公開演出嘅歌在內，又會自彈自唱。
Archie為咗個唱近期專注練歌、排舞同操fit身形，見佢開始有啲成果，佢仲預告舞蹈方面向高難度挑戰，特意提早近兩個月已經開始綵排，有時通宵工作後都趕去排練，希望練好舞步呈現最好狀態。
