陳冠希上台撐老友潘世亨 高呼「香港係我屋企」

陳冠希 呢日現身一個萬聖節嘉年華，同場仲有蕭潤邦一家、葉泓聲同太太，現場非常熱鬧。

Edison先係現身自家潮牌攤位宣傳，一一同現場支持者合照留念，更任攬唔嬲。而佢呢次現身，除咗係宣傳自己品牌外，仲係為老友 潘世亨 嘅表演做嘉賓。Edison上台唱出《記得我嗎》，Edison唱得興起時，即場將自己所戴嘅帽同頭巾除低拋向台下，推高全場氣氛。

Edison仲向台下觀眾高呼：「可以叫我陳冠希，香港都算係我屋企，我返到嚟，希望大家歡迎我。」叫大家呢晚玩得開心啲。