已退役轉型為DJ嘅日本前人氣女優 濱崎真緒（DJ Mao）驚爆凌晨於打碟期間疑飲用含有藥物嘅飲品後不適送院，經理人指目前濱崎真緒正於深切治療部留醫，驗尿結果顯示含有多種藥物，疑遭落藥。
事件發生喺1號清晨，濱崎真緒喺社交平台突然上載坐於輪椅上嘅圖片，身旁有警員協助、以及瞓喺擔架身處救護車上嘅相片，仲寫道：「工作中給人下藥了。」
事後傳媒向佢嘅經理人查詢，對方透露濱崎真緒昨晚於夜店完成打碟演出後，有人指有老闆邀請濱崎真緒往私竇繼續打碟，經理人原本兩度拒絕。但對方聲稱「只係想交個朋友，唔會有事」故最終決定前往。期間濱崎真緒飲用咗一杯Cocktail 飲品，未幾完成演出後就即場倒下。
經理人原本以為係因為連日演出過勞，但工作人員就發現濱崎真緒身體抽筋動彈不得，經理人察覺事態嚴重即時報警求助。送院後院方為濱崎真緒進行尿液測試，結果證實體內對4種藥物呈陽性反應，將佢轉入ICU留醫觀察，油尖警區刑事調查隊正調查事件。
現年33歲嘅濱崎真緒，2024年喺台灣成人展宣布告別長達13年嘅女優生涯，隨後全面轉型為夜場DJ，以「DJ Mao」阿號穿梭亞洲各地演出。後來更認為香港地理位置方便，加上鍾情本地文化，佢近年已定居香港。
佢早前仲提到，為方便往返深圳更新內地簽證，選擇定居元朗，直至今年5月，濱崎真緒更喺網上宣布已獲取香港居民身份證，如今竟疑慘遭落藥受害，事件令大批網民喺社交平台留言，希望佢早日康復。
