早前宣布明年重返紅館開演唱會嘅 任賢齊 ，日前飛往澳洲舉行巡演。而完成悉尼站後，因為有一日時間休息迎接墨爾本站，所以小齊喺緊湊嘅綵排空檔，就走到街頭感受當地嘅萬聖節氣氛。
原本諗住打卡湊熱鬧嘅小齊，竟然成為咗另一個「景點」，被途人野生捕獲嘅佢，仲講笑話自己其實係扮緊「任賢齊」，認真幽默﹗小齊仲話要多謝路上嘅朋友，佢話大家都知佢呢次嚟開演唱會，所以都向佢送上祝福。
唔少網民都留言大讚小齊扮「任賢齊」似模似樣。「任賢齊在任賢齊cosplay大賽中獲得第一名」、「萬聖節裝扮真像小齊哥」、「這份先生長得好像小齊哥哦，可愛100分」。
