陳法蓉登六獲好友接力慶生 與爸爸齊捧蛋糕超溫馨

啱啱迎嚟60歲生日嘅 陳法蓉 呢個十月慶祝飯局可以話未停過，日前佢就獲好姊妹蔡少芬，為佢以及同係十月壽星嘅 洪欣 一齊慶祝生日，而其實喺一個月前，Monica先喺同一個地方，為Ada慶祝完生日。

之後Monica又獲 朱玲玲 以及 曹敏莉 為佢同埋 王愛倫 一齊慶生，四位跨世代港姐同框，畫面相當吸晴。

除咗演藝圈嘅好友之外，Monica特別留返生日正日，同摯愛嘅爸爸一齊慶生，兩父女捧住各式各樣嘅蛋糕仔，真係好温馨。