梁家輝獲頒世界傑出華人 典禮後即回家與兩寶貝慶祝

一年一度嘅萬聖節，除咗大人個個扮鬼扮馬慶祝外，一眾寶媽都會為自己嘅寶貝打扮得可可愛愛嚟湊熱鬧，好似梁家輝嘅一對孖女 梁靜曦 同 梁穎晨 咁，前者就幫佢個混血囝囝Thibeaux扮成芝麻街嘅人物cookies monster，而後者則為囡囡Skye扮成Cowgirl，兩個小寶寶都非常可愛吸睛！

有兩個咁可愛嘅外孫喺屋企，難怪影帝 梁家輝 於1號出席完「第十九屆世界傑出華人獎頒獎典禮」後，就急急腳拎住新鮮出爐嘅「世界傑出華人獎」獎座，返到屋企同兩個小寶貝一齊慶祝！家輝仲將個獎座畀Thibeaux摸下，但因為怕Thibeaux唔夠力拎實，於是彎低腰幫佢托住個獎，而Skye則企喺Thibeaux隔離望實公公手上個獎座。