區瑞強 同 吳大強 呢日作客《StarTalk》，接受主播 潘盈慧 訪問，喺圈中人緣好好嘅Albert，一年內開過好多唔同主題嘅演唱會，而好友吳大強更係經常擔任佢演唱會嘉賓，Albert話大強瘋狂熱愛唱英文歌，呢種passion令佢非常欣賞。
另外Albert亦預告呢次演唱會將會演唱好多陳百強嘅經典歌，佢話Danny嘅抒情歌好接近自己嘅風格，而歌詞亦大部分出自鄭國江老師嘅手筆，所以Albert話呢次鄭國江老師亦會捐出珍貴嘅字畫進行慈善拍賣。
Albert話預咗呢次演唱會將超時罰錢，佢仲自嘲好鐘意講嘢唔識停，因為覺得演唱會唔止淨係唱歌，佢仲好重視同歌迷交流相聚。