龔嘉欣喺劇集《殺手》中飾演擅長用刀嘅殺手易蘭，呢日佢同《美食強人》嘅幾位主持 陳豪 陳浚霆 及 林秀怡 作客《一周星星》時，就齊齊重溫佢喺劇中同 黎耀祥 喺街頭打鬥嘅一幕。嘉欣話單係呢段打鬥戲，佢同黎耀祥都拍足兩晚。
myTV SUPER重溫《一周星星》精彩內容
當主播 許文軒 問到嘉欣拍呢套劇時，有咩部位受傷？在旁嘅阿Mo即搶答：「最緊要係個心靈」佢仲好得戚咁話：「我就知呢！」阿Mo話原本監製係想嘉欣全頭剷青，嘉欣就補充話監製係想佢兩邊剷青淨係留返中間嗰一綹頭髮，但因為當時佢有代言喺身，所以只係剷青咗一邊。嘉欣仲話剷完頭第二日出席記者會後，即收到唔少廣告商電話。
同樣為劇集剷青嘅仲有 林秀怡 ，當時佢拍緊處境劇《依家有喜》，一大朝早就起身去咗剪頭髮，但點知返到公司，監製 潘嘉德 都係覺得佢剷得唔夠青，於是就喺化妝間二次剃頭，林秀怡 話自己剷完後忍唔住喺化妝間喊，但喊嘅原因並非因為頭髮，而係覺得自己一早起身去剪頭髮，點知最後都要二次修剪，令佢覺得浪費咗時間呀！
《一周星星》星期日晚 21:30 翡翠台