前麗的電視當家花旦 李影 年初於加拿大溫哥華突然離世，享年70歲。與她相交近50載嘅 黃淑儀 近日作客資深監製 楊紹鴻 嘅網台節目時，首度透露好友離世嘅細節，更分享兩人跨越半個世紀嘅深厚友情，言語間滿好友離世滿戴遺憾與痛心。
黃淑儀與李影早於電視圈黃金時代結緣， Gigi姐透露兩人早期曾合作《星星月亮太陽》與《母親》等經典作品。有趣嘅係當時兩人因氣質各異，雖然年紀相若，不過黃淑儀常被安排飾演較成熟的角色，而李影則憑小家碧玉形象深入民心。
二人其後相繼移民加拿大溫哥華，關係更進一步。Gigi姐笑言李影個性爽朗大方，當年李影懷第一胎前往當地待產時，二話不說便直接住進黃淑儀家中；後來李影要買屋，亦決定搬近黃淑儀寓所，仲曾開玩笑話「我搬到邊佢就要搬到邊」。兩人於當地互相扶持更係多年雀友，李影牌品極佳廚藝又好，經常教友人煲椰子雞湯加牛奶，人緣極好。
談及李影突如其來嘅死訊，Gigi姐還原當時的經過，佢指李影平日「求其啦、是但啦、該死唔使病」嘅常口頭禪常排嘴邊，性格獨立又極不願麻煩朋友。
當時佢由香港飛返溫哥華準備參與慈善演出籌款工作，抵達首晚與機構人員聚會飲酒後返回寓所，不幸跌倒撞傷頭部。黃淑儀得知好友返加後隨即聯絡聚會，但李影為怕朋友擔心，僅在電話中輕描淡寫指「跌親拗傷隻腳」，Gigi姐就指「我開車去門口接你，唔使你行」。豈料事隔兩日，李影在寓所內再次跌傷頭部，更出現嘔吐與頭暈不適。
當友人上門探訪時，發現前一晚送到門口嘅食物原封未動，開門後驚覺李影身體狀況唔妥，即急召救護車求助。可惜醫護人員同警察趕抵搶救，李影最終仍不治離世。Gigi姐痛心表示，如果李影第一次跌倒時願意就醫檢查，可能結局就截然不同，但奈何好友性格如此，只希望佢喺另一個世界繼續開心生活。