薛家燕 呢日同 黎諾懿 一齊為台慶綜藝《美食強人》擔任嘉賓，而主題「黯然銷魂飯」，就真係非家燕姐唔得喇，呢日佢仲以經典角色「味公主」打扮參與，老友大王 安德尊 亦即場現身探班，但係主持 陳豪 就笑大王踩場呀。
事隔幾日大王又再現身《美食強人》錄影現場，不過呢次就係負荊請罪，向主持們道歉。至於當日笑完家燕姐就即閃，呢日一聽到老友又在場，佢就覺得非常奇怪，仲爆笑向味公主請罪呀。
節目中家燕姐仲提到，當年電影中自己起舞一段，原來係星爺臨時要求加入，呢日亦於節目中重現。仲指當年拍攝現場冇音樂，只係以筷子水杯打拍子完成。至於識食又識煮嘅諾懿，呢次就身為神秘食客，一探美味叉燒煎蛋飯秘訣。
《美食強人》星期一至五晚 21:30 翡翠台