由亞太廣播聯盟（ABU）主辦，為亞太地區最具聲望嘅廣播、電視與數位媒體內容大獎之一嘅「亞太廣播聯盟大獎2026」 頒獎典禮，星期日晚喺斯里蘭卡首都科倫坡舉行，TVB首部原創AI微動畫《社畜求生101》，榮獲「數碼敘事（數碼媒體）組別大獎」 （Winner in Digital Story telling (Digital Media) category）。
《社畜求生101》今年5月喺 TVB Plus 首播， 周嘉洛 聲演主角臥底喵喵「阿星」、資深配音員黃啟昌、黃昕瑜，分別聲演「阿星」嘅最佳拍檔狗狗「阿花」同狐狸女「阿蓮」。男的「戇直」、「滑頭」；女的嫵媚嬌嗲，於各懷鬼胎嘅辦公室碰撞出無限火花同笑料。
劇集情節唔只命中本地打工仔心頭，更一路紅到內地。曾打入微博省榜，於廣東省內21個城市全線榜上有名，最高更曾衝上第5位，平均約穩守排名第8位，話題總曝光率逾1031萬。
嘉洛得知有份聲演嘅作品獲獎後難掩興奮︰「估唔到配音都可以攞獎，當然唔係我一個人功勞，全靠昌哥同昕瑜姐兩位配音界前輩帶到我入戲，真係喜出望外。」
