劉愷威 早前認愛現年32歲嘅 黎紀君 ，而Christy近日亦於社交平台限時動態洩蜜，公開一系列與好友聚會嘅溫馨合照，大家參加 徐加晴 嘅生日聚會，亦順道為月底生日嘅Christy預先慶祝，更顯見雙方早已成功融入對方朋友圈子，關係相當親密。
由Christy嘅限時動態相片可見，當晚場面非常熱鬧。席上包括 江若琳 與老公 蕭唯展 壽星女徐加晴等多位好友外，眾人更齊齊品嘗時令大閘蟹、煲仔飯同湯圓，氣氛既暖胃又溫馨。
不過當中最吸睛嘅，莫過於兩人平凡但甜蜜嘅不經意放閃，側拍相片可見，愷威打機期間將 Christy緊擁入懷，眼神溫柔之餘，又似正貼心向女友細心解釋遊戲。Christy就甜蜜依偎男友胸懷，一臉幸福洋溢，旁若無人嘅恩愛舉動，直接將現場閃光指數拉滿。
