《中年好聲音4》雖然已經落幕一段時間，但比賽過程中有好多舞台令大家印象深刻，當中40強選手嘅團戰一定係其中之一，而選手之間嘅友情因為團戰快速增長。
重溫《中聲4》激烈比賽過程
《中聲4》嘅團戰當時由40強選手分成八組，「到此為止」組由當時仲係「企鵝人」嘅隊長周志康領軍，組員包括鄭家聲、蔡宓婕、王卓樂、麥曉東，佢地深情演繹連詩雅嘅《到此為止》，當時得到88分高分，五位成員全員晉級。
事隔大半年，「到此為止」組再度重聚，最驚喜嘅係今次由五人變六人，連原唱 連詩雅 都join埋，當時比賽得Mimi一把女聲，今次加上Shiga就令成首歌再增添多幾分柔情。
呢個版本一公開，好快已經突破10萬點擊率，好多網友留言大讚好聽，話六人聲線好夾，亦有人許願希望今個月尾周志康開騷有機會聽到Live版。
