曾為乒乓球港青隊員嘅 陳展鵬 近日為特備節目《恒動全城 全民皆乒》選拔賽擔任明星隊隊長，展鵬將挑選有實力同潛質嘅隊員受訓，特訓佢哋同港隊名將作賽。煎Pan直指等呢個節目已經等到頸長，仲指廣告商長期支持香港乒乓球運動，連自己當年首次出戰外地到日本，都已係由廣告商贊助咁話。
呢日示範賽中，唔少藝員同事都即場騷吓身手，其中 何晉樂 就指希望成功入圍，節目仲會到各區挑戰民間隱藏高手呀。至於 陳星妤 亦會參加遴選，而 羅毓儀 就同男友 林俊其 提前練習，Yvette就提到希望成功入選，可以同各屆高手比試球技呀。
《恒動全城 全民皆乒》11月21號晚 20:00 翡翠台