側田 日前首次喺香港舉行兩場戶外音樂會，吸引大批粉絲捧場，全場座無虛席。入行二十年加上已四年未返香港主場開騷，所以大家都好掛住側田嘅歌聲，呢兩晚佢就送上連串經典作比大家，包括《男人KTV》、《KONG》、《命硬》、《美麗之罪》、《爽》等，總有一首可以引起你嘅共鳴。
側田一向都好鐘意大自然，所以呢次嘅舞台設計都係以沙灘、大自然為主題，營造戶外度假親親大自然嘅感覺，喺呢種氛圍下唱歌，側田都覺得特別享受，而佢嘅造型亦配合整體風格，有草帽、亦有熱帶風pattern。
回望呢二十年嘅音樂路，側田話自己都曾經盪失路，甚至行過唔少冤枉路，再次企返喺香港舞台，側田都好感觸，仲忍唔住流下男兒淚，相信陪佢行咗20年嘅歌迷一定都深有同感。
