台慶劇《璀璨之城》劇情越見緊張，張智霖 同 吳卓羲 兄弟間同兩位官家少奶 高海寧 張曦雯嘅 鬥爭結局，好快就有分曉。而一眾演員日前齊齊扮鬼扮馬，同 江美儀 陳瀅 蔣家旻 周志康 倪嘉雯 同 孔德賢 參與狼人殺遊戲，正式係戲裡戲外都要爭鬥，氣氛刺激又緊張。
不過阿Ron就百厭故弄玄虛，加上大家都係資深演員，到底邊個真邊個假真係難以估計喇。佢仲因為第一次玩唔熟規則搞出笑料，而Kelly就自言係靠直覺咁話。高Ling遊戲時仲驚到要劇中屬於同一陣線嘅Jeannie求救保護呀。
劇情中Angel狠心落毒殺死老公 周志康 同 蔡一智 令人心寒，呢日阿康就直指心碎又悽涼，至於一直昏迷嘅Carmen就話似乎會遇到另一危機，叫大家要留意劇情呀。
《璀璨之城》星期一至五晚 20:30 翡翠台