實力女歌手 黃洛妍 宣佈，佢主唱嘅台慶劇《璀璨之城》片尾曲 《Black Velvet Tide》，官方MV，星期五就正式首播。今次MV更係創先河，係香港首個完全由歌手個人獨立創作、全程利用AI技術生成嘅MV。
Janees今次可以話實現個人創作夢想，製作由佢本人親自獨擔大旗，打破過往主流音樂嘅傳統框架，將極具實驗性嘅想像化為現實。MV發佈亦特別選於劇集大結局之後，為全劇壓軸高潮結局產場生終極迴響。
今次《Black Velvet Tide》大膽引用香港樂壇罕見嘅風格，亦打破過往香港電視劇集歌曲嘅既定公式。歌曲摒棄傳統抒情套路，以極富電影感嘅高概念編曲，全曲充滿前衛電子元素、瀰漫住詭秘氛圍、滲透暗黑浪漫。
