熱播劇《璀璨之城》進入結局周，官家兩兄弟繼續出招鬥法，雖然未知邊個最終可以成功掌控集團，不過飾演官孝君嘅 吳卓羲Ron 就暫時放低權力遊戲，為自己下月舉行嘅《與你同行音樂會》東莞站宣傳。
myTV SUPER重溫《璀璨之城》豪門家族爭產
Ron拍片為下月12號舉行嘅音樂會宣傳，為咗食舉行地點「東莞」嘅音，所以佢喺片中就以「Don’t go 走咗驚你後悔，Don’t forget 12月有大動作，Don’t 管 嚟咗先講。」作為開頭，表示自己12月12號將喺東莞開騷。不過唔少網民睇完片，就留言打趣Ron，話佢係咪因為最近跟得 Kelly張曦雯 多，所以英文都進步咗；亦有唔少網民留言問到時 Kelly 會唔會到場。
其實今年6月時，Ron已經喺珠海舉行過音樂會，當時仲邀請到 任賢齊 做嘉賓，所以今次東莞站亦有唔少人猜測Ron會邀請邊個擔任嘉賓，除咗緋聞女友Kelly外，亦有唔少人提議佢搵已經甚少喺幕前現身嘅 徐子珊Kate 嚟做嘉賓呀。