當年掀起無盡笑聲嘅《超時空男臣》新一輯正式開鏡，呢日 蕭正楠 曹永廉 何廣沛 就齊齊以古裝扮相現身開鏡儀式，雖然同上一輯相隔十年，不過三兄弟再合體原來仲著得返當年戲服，更勾起當年拍攝嘅有趣回憶。
阿蕭仲指今次有唔少古裝造型，故事仲會穿插古今，仲有大家特別攪盡腦汁創作嘅無盡笑料，仲話希望重現上一輯嘅經典笑料。
新加入嘅戴祖儀過往不時自稱公主，今次新劇就終於名正言順成為真．公主喇，佢仲話希望有機會扮演奸妃，而 賴慰玲 同 冼靖峰 同樣新加入，仲話拍攝期間好玩又好笑，大家更加要時刻準備反擊阿蕭阿廉嘅爆肚突擊，拍劇經驗最少嘅Archie就話自己慘被整蠱喇。
