馮德倫 胡杏兒 周秀娜 袁澧林 出席有份主演嘅電影首映禮，大家仲為即將生日嘅杏兒預祝，而呢晚杏兒嘅老公同一眾圈中好友都有嚟捧場。
Stephen嘅顏值一直公認係男神，不過戲中對手胡杏兒就力抗型男魅力，對Stephen唔單止霸氣十足，仲郁手打佢。杏兒話自己完全無留力，所以拍完一刻都即刻好擔心整親拍檔。
早前 袁澧林 發長文公開曾經喺片場同埋工作期間遇到性騷擾，引發討論之餘，令佢最大得著嘅就係可以幫到人。佢表示事件曝光後，獲得超出想像嘅關注，佢話自己亦收到好多朋友DM。Angela話最牽動佢情緒，就係能夠鼓勵到好多人勇於發聲，有啲人甚至答應會壯大自己嘅心臟，希望令個世界變得更美好。
