姚焯菲Chantel 正喺美國攻讀大學二年級，寵粉嘅佢不時都會喺社交平台同粉絲分享留學生活嘅日常。而喺啱啱過去嘅萬聖節，Chantel就同朋友一齊開睡衣派對慶祝，佢仲大方晒出多張睡衣照。
頭戴毛毛眼罩嘅Chantel與朋友頭貼頭合照，做出俏皮鬼馬表情。Chantel身穿嘅粉色吊帶睡衣帶有荷葉邊設計，配搭白色喱士襪帶，充滿小性感之餘亦擁有活潑嘅少女氣息，令有「小公主」之稱嘅Chantel更加可愛甜美。
Chantel呢個Post亦吸引呂慧儀、鍾柔美大讚佢「Cute到爆」，而「小菲象」就大派心心，表示「小公主長大了」、「菲姐果然瞓覺是無敵，呢個睡美人真係靚到不得了」，仲話Chantel性感得嚟好可愛。
