呂慧儀 日前因為同 張景淳 齊齊Post出返電視城開工嘅限時動態，而被網民猜測「龔水」合體原因，兩位其實只係喺節目《好嘢港多啲》大玩食字合體。阿蟹仲喺社交平台分享拍攝當日，偶遇熟悉嘅工作人員，仲話收工返屋企後即刻收看《愛・回家之三代同糖》。
myTV SUPER重溫《好嘢港多啲》
《愛・回家之開心速遞》八月初結局後，阿蟹嘅工作依然忙到冇時停，除咗飛到英國嘅劍橋大學演講外，佢主演嘅舞台劇亦喺深圳圓滿落幕，初次踏台板嘅阿蟹心情既緊張又興奮。
myTV SUPER重溫《愛．回家之開心速遞》搞笑劇情
雖然忙碌，不過阿蟹都好珍惜親子時光，以及同朋友相處嘅時間，最近佢分享工作點滴以及同朋友聚會心情，表示：「我喜歡忙碌的日程❤️在教育中心馬拉松式開會，喝了兩杯咖啡，再為客戶的短視頻拍攝，然後有人等我放工，好好地享受甜品，非常幸福。」
