影帝 張家輝 宣布勇闖紅館，喺明年農曆新年舉行一連三場集合「笑、唱、跳」嘅大型娛樂表演，呢次更係佢出道38年首登紅館。
為隆重其事，家輝早前率領一眾影迷耳熟能詳嘅經典角色，包括《激戰》賤輝、《贖夢》蔡辛強、《賭俠1999》化骨龍、《金雞SSS》哥頓哥及《陀地驅魔人》發仔，冒雨夜闖紅館拍攝宣傳片，大玩回憶殺。
呢次將咁多個經典角色「大曬冷」，家輝就話「當然有特別企圖」而佢亦希望令大家感到驚喜之餘，亦可以勾起對以往角色嘅回憶。至於觀眾睇呢個騷時會有咩觀感？就要等個騷誕生先知。
家輝坦言，自己從發過「歌手夢」，但舞台為佢帶嚟意想不到嘅契機，所以佢都希望呢個騷並唔係一個單純演唱會，自己亦唔會用演唱會嘅形式嚟呈現表演。家輝更預告到時會有驚喜爆笑演出，而在舞台效果、演出安排亦有特別巧思，希望將「笑、唱、跳」結合，為觀眾帶嚟歡樂新年。
