近年迷上黑膠唱片嘅 湯駿業 AhDee，宣佈推出首張個人黑膠專輯《To My Beloved One》。AhDee認為黑膠具備穿越時間嘅能力，其原始坑紋能記錄聲音與感覺，加上聽黑膠需要特別花時間細味，令人更珍惜聽歌嘅瞬間，因此選擇以黑膠形式呈獻新作。
整張專輯共收錄11首作品，全部由AhDee包辦作曲或填詞。以獨立歌手身份展開新篇章嘅佢，表示專輯係送畀身邊最愛嘅人，內容取材自其個人人生經歷與睇法。AhDee坦言曾受過傷，也感受過被愛，希望樂迷聽完後能感到被照顧與擁抱，喺混鈍嘅世界中安撫自己。
專輯封套特別邀得英國藝術家好友Timothy Chow繪製人像畫。畫作未有刻意美化，甚至呈現出「鼻歪」嘅細節，AhDee笑言這正是帶有缺陷、最真實嘅自己。
而隨住黑膠專輯嘅誕生，AhDee亦將於2026年11月13日，假PORTAL舉行「《To My Beloved One》Live 2026」，現場演繹新碟歌曲。
