劉家良 師傅入室弟子、著名動作演員及龍虎武師 何麥 ，於上月五號猝逝，終年64歲。其女兒 何慈茵 一時難以接受爸爸嘅離世，曾關閉所有社交帳戶。
直至何麥離世一個月，何慈茵終於打破沉默，喺社交平台憶述對亡父思念，佢於帖文寫道：「爸爸何麥Mark Houghton離世後，承繼佢嘅心願同武學傳統，成為我對佢最深切嘅懷念，亦係我願意肩負嘅責任。接任嶺南黃飛鴻洪拳傳人-劉家洪拳的承繼人，一直係爸爸嘅心願。如今我接下這份責任，盼能完成佢嘅遺願。」
何慈茵指爸爸一生敬重師父劉家良，佢對洪拳嘅熱愛同熱誠，都一直係自己敬佩並努力學習嘅榜樣。佢會秉承爸爸嘅精神，與來自世界各地嘅師兄弟並肩同行，繼續傳承洪拳，弘揚武德，令呢門珍貴嘅武學薪火相傳，發揚光大。何慈茵指前路雖長，但會懷著對爸爸嘅敬愛，堅定地走下去。
