李泳豪 悉心照顧老竇鼎爺 李家鼎 同時，亦積極開拓自己嘅事業。近日豪仔就迎嚟一個新挑戰，首次參與綜藝節目《家家有本美味的經》，仲係夥拍老竇鼎爺、 肥媽 同 陸浩明 一齊主持。豪仔話今次係父子檔嘅初體驗，成個過程充滿挑戰，亦有好多地方需要學習。
一眾同事除咗愛錫豪仔之外，亦非常尊敬鼎爺，豪仔指首日拍攝圓滿結束之際，一眾同事貼心地安排咗特別環節，提早為鼎爺慶祝80歲大壽，佢由衷感謝大家對老竇嘅愛護同關懷。
孝順仔喺帖文尾端寫上「見到老竇如今身體健康、精神飽滿，說話時依然聲如洪鐘、字字鏗鏘，真的深感感恩與欣慰。」相信呢份喜悅唔只係豪仔兩公婆，亦係愛戴鼎爺嘅觀眾同樣最想見到的。
