台慶劇《璀璨之城》今晚（6號）將會播出大結局，觀眾都好想知道 張智霖 同 吳卓羲 飾演嘅官孝賢同官孝君最終會點？結局周嘅劇情令觀眾都睇到好虐心，好似一齊跌落呢個官家嘅鬥爭當中。
myTV SUPER重溫《璀璨之城》豪門家族爭產
喺咁沉重嘅劇情當中， 陳瀅 就喺社交平台PO出一條喺拍攝期間拍低嘅片，相信可以令觀眾喺收睇大結局前放鬆一下。
一向鬼主意多多嘅陳瀅，拍低咗自己整蠱成個劇組嘅片段，佢拎住三個利是封，然後向逐個演員講話抽利是封考IQ題，不過事實係利是封內藏機關，只要一打開就會有嘢彈隻手，大家都被嚇一跳。中招嘅藝人包括 姜大衞、 張智霖、 吳卓羲、 高海寧、 張曦雯、 陳煒、 蔣祖曼、 鄭子誠、 周志康等，當中Chilam笑住口話「點解咁對我。」然後作勢打陳瀅，喺眾多受害人入需，最大反應係 蔣家旻，佢被嚇到呱呱叫彈起。而最冷靜嘅就係 江美儀 ，完全冇反應，不過終極冠軍嘅係監製 陳維冠，連陳瀅都話點解咁冷靜，監製就話因為見慣大場面。
