張與辰愛開車尋創作靈感 預告台慶有驚喜表演環節

作為一位唱作歌手，張與辰不時需要尋找創作靈感，而佢有個獨門搵靈感嘅方法，就係揸車周圍去，因為喺車上獨處時間可以舒服地思考，特別係夜晚揸車上山頂，或者係冬天時周圍去。

與辰表示喺馬來西亞時，會借家姐架車，載家人或者來自世界各地嘅朋友出去玩，佢覺得一班人並聚喺車廂中，大家傾偈時都會好集中，係維繫關係嘅好時機。

台慶將至，全台藝員都會傾巢而出，與辰都已經開始為台慶表演環節綵排，佢仲預告今次會係前所未有嘅表演，一定會為觀眾帶來驚喜。