馮德倫 日前喺公開活動上被傳媒追問旗下藝人 譚旻萱 同 黃澤林 相戀一事時，Stephen即眼望 周秀娜 偷時間諗諗點樣回答，估唔到呢日娜姐同 鄧麗欣Stephy 喺首映活動上，與 譚旻萱同門嘅Stephy被追問事件時，又復製咗呢一幕，Stephy同樣望住周秀娜偷時間，場面搞笑。之後Stephy解釋自己啱啱返香港，唔太知發生乜事，只係從媒體上睇到消息，而娜姐就笑指下次可以等佢唔在場時先再問呢個話題。
今次喺新戲中，娜姐同stephy飾演保齡球手，兩人事前都為咗投入角色特訓，雖然經過訓練，但到真實拍攝時有好多動作都有難度，加上佢哋本身打保齡唔叻，所以喺鏡頭前要捕捉佢哋好自信全中一刻有啲難度，因為其實鏡頭後個波好多時已經碌咗落坑。
Stephy早前遠赴夏威夷出席電影節，不過因為時間倉促無緣享受當地陽光與海灘，但觀眾嘅反應就帶俾佢一份好熾熱嘅感覺，更有粉粉絲提議Stephy到當地開騷，Stephy仲話想搵埋娜姐做嘉賓。
