玄彬、孫藝珍一對模範夫妻上年於《第46屆青龍獎》同時獲封影帝影后殊榮。日前兩位結伴出席手印活動，為月底舉行嘅《第47屆青龍奬》宣傳造勢。孫藝珍憶述上年得奬時，感覺好似發咗一場夢，佢話當年定下其中一個目標就係問鼎《青龍獎》影后，喺2007年首次完成目標，估唔到將近廿年後再次奪得，仲要同老公一齊獲獎，非常榮幸，佢笑言下次稱后時，希望唔使再等廿年。
玄彬喺令佢奪得影帝奬嘅電影《哈爾濱》中，飾演一位韓國民族英雄，更因為壓力太大而消瘦。孫藝珍固然心痛老公，但佢就話自己更辛苦，因為老公拍攝時，自己啱啱生完小朋友，此話引起全場大笑，不過佢話老公要飾演歷史人物，當然好辛苦。
