李連杰 近年不時被傳出健康出現狀況，甚至多次傳出死訊、病重等消息，不過李連杰澄清過後，就依然故我繼續過自己嘅生活。踏入11月，佢就帶同23歲嘅細女Jada飛去不丹，以義工身份參與不丹國家級建設計劃「Project 108」。李連杰分享喺當地嘅相片，相中所見佢同身穿不丹傳統服飾嘅囡囡覲見不丹國王同皇后。
今次嘅計劃係由不丹第五任國王 旺楚克 發起，李連杰親自走入工地幫手，當見到佛像時即虔誠合十雙手。整個建設計劃非常壯嚴，而108座佛塔亦會於一日內落成，為眾人帶嚟喜悅同福𧘲。李連杰坦言能夠有份參與，深感榮幸。
