一代洪拳宗師劉家良入室弟子、著名龍虎武師 何麥 早前傳因心臟問題突發離世，喪禮早前已完成。然而現場並未見過往關係緊密嘅愛女 何慈茵 嘅花牌同蹤影，隨即引發外間揣測。
近日Charlene雖然重開社交平台，又宣佈將接任亡父成為嶺南黃飛鴻洪拳傳人-劉家洪拳承繼人。然而喪禮風波未解，何麥女友Christie就緊接宣佈委任兩人為「嶺南黃飛鴻洪拳傳人第六代領導傳人」，令兩人爭議有越演越烈之勢。
而Charlene接受傳媒訪問時，就首度開腔回應未現身喪事嘅背後真相。佢透露亡父與女友 Christie 雖然拍拖同居33年年，但雙方一直未有登記結婚，對方於父親身故後以「遺孀」身份主導喪禮，甚至以父親身份證、死亡證等重要文件，主導喪禮形式，令身為親生女嘅佢因無法認同以及參與辦理後事。
Charlene指自己曾方提出由佢本人出資改以無宗教儀式悼念父親，但就遭拒絕。最終佢選擇喪禮正式開始前私下前往殯儀館，見父親最後一面。
談及為何沒有送上花牌，Charlene向傳媒直言不想配合對方「做騷」，並強調自己問心無愧，會繼續喺私人空間以自己嘅方式懷念父親。
