台慶劇《璀璨之城》11月6號播出大結局，劇中演員們下午先喺澳門現身參與花車巡遊同粉絲見面，之後就陪住大批觀眾睇大結局，相信好多人見到官孝賢嘅下場都覺得佢罪有應得。
為咗隆重其事 張智霖 吳卓羲 張曦雯 江美儀 高海寧 陳瀅 陳曉華等，個個都盛裝赴會，好似一齊參加一場豪華Party一樣。
唔少演員同觀眾一樣，唔捨得呢套劇落幕，洪海允同官孝賢呢對CP成為過去式，高Ling亦發文對劇集嚟個總結，並向出演角色Say Goobye以及永別官孝賢。江美儀亦多謝大家支持《璀璨之城》「你哋嘅熱情我全部感受到！多謝大家喜歡丁麗明呢個角色」。而張曦雯亦出post希望大家記得Kate。
而喺劇中客串過足戲癮嘅蔡一智 ，今次出演角色做得入型入格獲讚，佢都好記掛自己角色，公開佢同Ron及劇中細佬周志康喺K房拍攝時排戲嘅片段，仲留言話孝君真係唔唱K，細佬唱歌好好聽，睇得出佢哋合作時大家都好開心。
