張明敏 喺80年代憑一首《我的中國心》紅遍大江南北，即將喺啟德體藝館舉行出道40年首個個人演唱會，令佢非常期待。最近佢除咗忙住籌備個唱外，日前更抽空去深圳開粉絲見面會，全場座無虛席，而佢囝囝都有現身撐場，父子倆仲一齊合唱。
呢次喺深圳同歌迷見面，張明敏都特別開心，覺得阿仔俾咗佢一個好驚訝嘅聚會：「這個小孩給我一個非常驚訝的一個聚會，因為全中國裡面，說實在這幾十年，沒有一個粉絲見面會的那種格局，那這次是第一次。」
張明敏仲有交待個唱籌備進度，佢話呢之請到台灣民歌教父葉佳修做嘉賓。因為葉老師係佢年輕時好欣賞嘅校園民歌歌王，呢次亦係葉老師第一次嚟到香港，希望觀眾會鍾意佢哋嘅合作。
