伍允龍與導演派麻糬賀票房高收 黃鐦爆張家輝喺片場鍾意唱歌

伍允龍 有份參演嘅電影票房報捷，為咗答謝觀眾支持，佢聯同兩位導演黃綺琳同黃鐦現身鬧市派麻糬，Philip仲同市民互動猜包剪揼同簽名留念，佢哋都好開心票房有好成績，黃綺琳已有計劃邀請原班人馬再合作，並提議功夫喜劇加唱歌。

一眾演員之前為票房定下派福利目標，期待見到Philip裸跑派福利，Philip同兩位導演都話雖然對票房有信心，但Philip話若果要佢祼跑，起碼要操兩個月，唔知大家等唔等到呢？

日前張家輝宣布明年農曆年開紅館騷，大家都非常期待，黃綺琳希望家輝會預留門票俾電影團隊，而黃鐦就大爆家輝喺拍戲時已經話會開騷，仲不時好好唱口。