TVB近日深夜重播由 張家輝 同 宣萱 等主演嘅爆笑古裝劇《騙中傳奇》，早前家輝指會晚晚追細味呢部佢嘅滿意之作，而近年不時上網同大家互動嘅Jessica，一樣對當年嘅拍攝覺得非常回味，更指當時拍攝非常辛苦，仲直接向監製申訴。
佢話當時劇集邊寫邊拍，令休息時間非常少，幸後來慢慢改善，亦都晚晚追睇重播劇情，勾起唔少美好回憶。回憶中當然亦包括被家輝整蠱嘅笑料，佢再記得就係家輝成日扮狗吠，再用手「咬」佢雙腳，嚇到佢大叫，仲每次都會中招咁話。
家輝農曆新年將登上紅館開騷，不過Jessica就指新正頭開騷幾日自己都唔喺香港，會同古仔身處拉斯維加斯演出，所以無緣捧場或者擔任嘉賓，覺得非常可惜呀。
Jessica呢日出席健康食品活動，仲大爆老友 古天樂 嘅飲食習慣同靠飲水減肥，不過自己就覺得太無趣而唔會跟從喇。
《騙中傳奇》星期一至五深夜 23:55 翡翠台