吳岱融 同 鍾淑慧 呢對恩愛多年嘅夫妻現身《一周星星》，當然有唔少故事同大家分享，而早年已認識兩人嘅 陳展鵬 ，近年亦都不時合作，呢日佢就爆料話合作《隱門》時為求效果，原來就加入唔少即興演出喇。
佢仲形容同岱融哥呢位經驗豐富嘅前輩合作演出火花十足，不過就希望下一次唔好次次都搞到你死我活咁話，仲請教岱融哥點樣可以每次演出都有唔同變化呀。
岱融哥就指演出前要提早思考，仔細研究劇本，例如《隱門》當年被 黃智雯 狂摑父女互打一段，就係用呢個方法即時提出討論先成事喇。佢仲指希望繼續拍攝唔同廣東話作品，認為咁先會原汁原味情感更到肉呀。
《一周星星》星期日晚 21:30 翡翠台