《愛．回家之三代同糖》持續有「新」演員加入，日前TVB社交平台公開一張剪影合照，宣佈仲新添兩名新成員，而眼利嘅網民就瞬間已將剪影相片中嘅兩人起底，仲發現係大家非常熟悉嘅「大小姐」 林淑敏 同「送水輝」 許家傑 。
而被網民揭穿呢個大驚喜之後，林淑敏亦於社交平台公開新相，仲寫道：「用新的想像力出發吧💪🏻」，而許家傑亦於合照下留言話：「呢鋪又有得玩喇🔥🔥🔥」令大家都非常期待佢哋加入令劇集有更大火花。
雖然官方尚未公佈兩人嘅角色同發展，不過已投入《三代同糖》演出嘅 歐瑞偉 同 李偉健 ，日前出席宣傳活動時，就確認將同Mandy以及阿Jack重聚，仲希望大家一齊關注劇情發展呀。
《愛．回家之三代同糖》星期一至五 20:00 翡翠台