處境劇《愛．回家之三代同糖》宣傳非常密集，呢日多位成員又再喺鬧市出現，到北角街市同街坊近距離交流，而 歐瑞偉 同 李偉健 仲著住肌肉裝帶頭率先行入街市，受盡大家歡迎。 KC 同Terry喺處境劇合作多年，今次再合作默契自然十足，佢哋仲確認另一對CP拍檔即將加入呀。
myTV SUPER重溫搞笑劇情
雖然近日網上已略見端倪，不過消息由兩人口中證實，大家就自然開心喇。雖然「彈弓口」，但係 林淑敏 同 許家傑 亦已於社交平台暗示同預告即將回歸，相信好快大家就會見到佢哋現身劇集喇。
而劇中 周志康 同 羅毓儀 呢一對已經公開係夫妻關係，至於 趙浚承 就非常渴望有CP發展，仲話嬲 容天佑 搶走 何依婷 呀，不過兩人就話一要演感情戲就非常怕醜又尷尬喇。
《愛．回家之三代同糖》星期一至五晚 20:00 翡翠台
