澳娛綜合澳門上葡京綜合度假村呈獻嘅台慶劇《璀璨之城》上星期完滿結束，大結局當晚全劇演員移師澳門出席連串活動，下午先出席花車巡遊各區，又向澳門市民大禮物，之後就換裝以華麗打扮出席喺上葡京酒店禮堂舉行嘅結局播映活動。
而 張智霖 同 高海寧 睇到「官孝賢」悲劇下場，亦不禁感觸落淚， 事後受訪時Chilam仲話自己身為扮演者，非常明白孝賢嘅心情，所以心情就更加波動喇。而高Ling就指一直見證官家兄弟爭執，到慢慢走向極端嘅過程，加上自己係身邊人之一，所以令佢非常投入呀。
myTV SUPER重溫《璀璨之城》豪門家族爭產
Chilam整段戲一鏡到尾，大家睇完演出都直指非常唔容易。而 蔡一智 扮演嘅反派角色，雖然同 周志康 下場都唔太好，不過阿智演出就被觀眾大讚，仲多謝大家唔討厭自己，更希望以後有機會再合作，仲為即將開騷嘅阿康打氣鼓勵呀。
劇集於澳門多個知名景點實地取景，呢日重遊當地，都勾起大家拍攝時唔少回憶，不論係澳門旅遊塔、新馬路一帶、金碧坊等，大家都講唔停，仲不時討論拍攝當時嘅趣事。
