樂瞳 近日公開影片，當中驚見年41歲嘅前TVB藝人 羅鈞滿 慶祝已為人父嘅喜宴。
羅鈞滿 2024年佢宣佈與女友結婚成家，近日又被曾合作《點解阿Sir係阿Sir》嘅拍檔 樂瞳 公開小朋友最新影片，喜爆已經升任人父，並為初生BB舉辦溫馨喜宴。
影片可見，當日唔少圈中好友都到場祝賀，好似明星足球隊嘅隊友譚詠麟、黃日華、關禮傑、張兆輝、鄧兆尊、洪天明、錢嘉樂、范振鋒、趙浚承等。而羅鈞滿一家三口逐枱向賓客打招呼，賓客就熱情圍觀爭相拍照，氣氛非常溫馨熱鬧。
羅鈞滿 早年曾參加《超級巨星》，雖然早期在TVB獲得不少演出機會，亦參演過唔少劇集，不過言行爭議不斷又負面新聞纏身﹐2015年赴韓旅遊期間涉偷拍風波、2016年曾因醉駕被捕形象一落千丈，曾遭網民封「負評王」，甚至衍生出「做人別太羅鈞滿」等潮語。同年解約後轉戰內地發展，近年演藝動向就相對低調。
早年佢曾與無綫前「新聞之花」張文采拍拖四年，期間卻爆出偷食導致女方心碎分手，並公開痛斥「白白浪費四年」。
陷入低谷並離巢後，羅鈞滿選擇北上發展，又積極參與明星足球隊活動，隨後低調建立家庭。如今爆出已婚兼為人父，唔少網友都為佢送上祝賀，希望佢踏入人生新階段後努力做好丈夫與父親角色。