處境劇《愛．回家之三代同糖》好消息不斷！車婉婉、李茵彤、李偉健、歐瑞偉、樊亦敏齊齊拍片報捷，恭喜上星期劇集最高收視18.1點，收視持續攀升，感謝觀眾支持。
myTV SUPER重溫全新處境劇《愛．回家之三代同糖》
另一個好消息，就係繼樊亦敏、歐瑞偉、沈可欣三位觀眾熟悉嘅舊面孔加入後，劇組宣布林淑敏、許家傑加入《三代同糖》大家庭。不過淑敏同家傑呢次就唔係以「蓮輝」CP身份同大家見面，而係全新角色「戴嘉婷」、「宋銳威」，角色之間仲有好複雜嘅關係。
兩位都喺社交平台留言「未出發先興奮」、「全新嘅角色，希望盡快融入「大家庭」，請大家多包容。」表達對加入劇組嘅開心，而網民對於兩位「回家」都好興奮，仲話「龍家就快齊人」期待佢哋喺《三代同糖》展開新故事。
《愛．回家之三代同糖》星期一至五晚 20:00 翡翠台