馬國明 陳煒 劉佩玥 同四季中聲唱將，日前盛裝現身電視城，出席無綫集團有限公司同騰訊音樂娛樂集團共同舉行嘅戰略合作發布會，見証雙方簽約儀式，宣佈強強聯手打造大灣區一站式粵語音樂文化新生態。
曾經喺大灣區開騷嘅阿Moon，對今次嘅戰略合作非常期待，因為合作內容非常多元化，包括頒獎禮、音樂演出，存在好多機會。曾經同陳煒喺美國登台嘅馬國明就大讚煒哥唱歌非常動聽，完全係令人聽出耳油嘅程度。而馬明都好支持音樂上發展，因為音樂對一套劇嚟講係好重要。
四季中聲冠軍齊集見證盛事，佢哋都期待自己嘅音樂，透過今次合作傳遍整個大灣區。周吉佩希望有越多平台同地區可以推廣作品，所以好榮幸可以參與。 古淖文 就話，希望TVB歌手同劇集都可以去到更遠嘅地方。
黃博 早前同 李佳 喺廣州開騷，見到好多大灣區嘅觀眾支持佢哋，所以都更期待之後音樂頒獎禮等活動有大灣區觀眾支持。尹景順作為最新一屆中聲家族成員，佢就話好開心唔需要等待，一出道已經可以遇上咁好嘅平台，所以都好期待同開心。
對於歌手嚟講，今次嘅戰略合作係充滿機遇， 張與辰 期待作品去到更多唔同城市，李佳希望可以同內地歌手合作，喺唔同音樂節發生。 鄭家聲 就話，自己接受做節目主持，不過最好可以一邊主持一邊唱歌。