森美 同 Eric Kwok 為飲食節目《美食強人》錄影，但兩位化身神秘美食家，為觀眾試食乳鴿。森美作為以乳鴿聞名嘅中山石岐人，佢就對點評家鄉菜好有信心，仲為一眾師父擔心添！
講到評分準則，森美就話要煮出家鄉味，最好皮脆肉嫩，仲要有肉汁。至於Eric Kwok就話，皮脆唔脆唔重要，但味道同肉嫩係最重要。
森美作為一個入屋藝人，出外食飯好容易成為注目點，佢都話會有壓力。講到有冇因為藝人身份而得到食店特別招待，森美就話試過被小店老闆招待，覺得好感謝。佢又微詞，唯一唔開心嘅事就係同老闆合照完，但張相冇被貼出嚟。
《美食強人》星期一至五晚 21:30 翡翠台