由經典節目《歡樂今宵》台前幕後成員組成嘅「EYT好友會」，星期二晚舉行年度晚宴。逾百位當年曾為全港觀眾帶來無數歡笑嘅台前幕後功臣齊聚一堂，仲大家一齊唱經典台歌《歡樂今宵》，場面既歡樂又感人。
晚宴現場非常熱鬧，雲集多位當年《歡樂今宵》嘅靈魂人物與資深藝人，包括周梁淑怡、蔡和平、叻哥同秀姑、黃錦燊、余慕蓮等。眾人難得敘舊暢談往事，展現「EYT大家庭」嘅深厚情誼。
早前身體情況令人擔憂嘅 余慕蓮 亦有出席晚宴，精神狀態更係非常唔錯。「魚毛」受訪時更分享自己日常生活，笑言每日早晨都會由家傭陪同到公園散步運動打發時間；飲食方面由於咀嚼能力大不如前，現時主要以流質食物或攪碎食物為主。
佢仲話晚上依然會支持電視節目，更會重溫過往劇集，特別係偶像四哥謝賢嘅演出，佢仲特別感謝好友大王安德尊同米雪等嘅關懷同照顧。而久未露面嘅 甘國衛 亦分享工作同對素食嘅堅持，更回憶當年《EYT》對自己嘅訓練。
詳盡情況請留意TVB娛樂新聞台