星期日剛播出嘅一集《女神配對計劃2》，首次有女神被淘汰出局，中段先加入嘅 梁超怡 被Foul，令其他女神們都非常傷心又不捨，佢仲指自己同求愛勇者們感情交集唔算多，亦有預計被Foul嘅心理準備。
而其他幾位女神 阮嘉敏 陳若思 郭珮文 俞可程 何沛珈 同 陳星妤 都同心儀勇者成功配對，即將會同求愛勇者們過夜，不過當中Kannis就因為Oscar轉投Roxanne懷抱而唔太開心，雖然事後佢向Zico戴上心動頸鍊時就強顏歡笑，令觀眾都紛紛討論。
Kannis指當時心中有唔少期望，但現場知道Oscar變心時非常失落，不過事後已經平復咁話。
呢集勇者當中，Mark同Tony亦被淘汰出局，不過兩人就成為朋友，事後受訪時仲指玩得非常開心，佢仲笑指要加入花生團。而Tony仲笑指自己同女神間火花不足，不過就同勇者之間建立友誼，要認真跟大家學追女仔咁話。
《女神配對計劃2》星期日晚 20:30 翡翠台