TVB節目巡禮2027呢日盛大舉行，全台過百位藝員傾巢而出，推廣來年精心打造嘅一系列節目，劇集同綜藝資訊，內容可以話包羅萬有。
TVB來年主打劇集呢日亦正式公開，現場宣佈《新聞女王3》、《模仿人生》、《超時空男臣II》、《警是個大佬》、《枱底》、《模範律師團》、《驅魔速遞》等七部重頭劇集。而突破製作嘅豎屏短劇《金枝慾孽之宮牆拆柳》加上節奏明快嘅迷你劇場《宮心計摘星》、《重案追兇》、《衝上雲霄愛與夢飛行》以及《香港重案》系列。
而《正義女神》前傳《模範律師團》邀請到羅嘉良重返TVB助陣，加上楊怡、陳煒同張曦雯參與，呢日煒哥就配合角色以專業造型現身喇。
早前不時被途人於街頭捕獲嘅《超時空男臣II》當然繼續由蕭正楠同曹永廉參與，令身邊嘅馬國明非常羨慕，而三劍俠亦提到好快會合作綜藝節目去大灣區搵食。至於陳展鵬同張振朗兩位視帝喺劇集《枱底》又會再次合作喇。
陳曉華、戴祖儀、吳偉豪合作嘅《驅魔速遞》夾雜正邪對決，幾位主演仲要打到飛起，一啲都唔容易應付。而羅子溢同洪永城兩位人夫，就會拋開家庭一陣拍攝全新綜藝《大丈夫步步為營》。
連串嘅王牌綜藝節目一樣唔少得，《中年好聲音5》將重臨、加上《家家有本美味的經》、《姐姐的契約》、《試真D系列》、《明星body check》、《大灣區小明星》、《鑽石戀愛計劃》、《三生有幸去黐餐》、等多個唔同類型嘅節目。
