TVB邁向60周年節目巡禮2027｜陳煒期待《模範律師團》播映 跟張曦雯組最靚律師團隊

熱播劇《正義女神》衍生嘅前傳《模範律師團》集合羅嘉良、楊茜堯、陳煒、張曦雯、劉佩玥同何廣沛出演。煒哥呢日以律師造型現身節目巡禮時，就話非常期待劇集播映。Kelly仲話自己喺劇中係一位邪惡嘅律師，會為衰人打官司。

煒哥指劇中每位大律師都有唔同配答嘅對手戲演出，大家一定要留意每個案件內容。Kelly最期待同撈家嘅演出，因為今次合作先初次見面。講到最重頭戲一幕，煒哥話係Kelly幫佢手一齊聯手打官司一幕，Kelly仲話好鍾意夥拍煒哥開工，因為佢哋企出嚟係最靚嘅律師團隊，畫面好靚。